أخبار عاجلة
ضبط عاطل بحوزتة 21 قطعة حشيش وسلاح بالغربية -
النفط ينخفض بعد تقرير المخزونات الأميركية -
الذهب يرتفع بعد جلستين من الخسائر -
"داو جونز" و"ستاندرد بورز" يحققان مكاسب قياسية -
القبض على 4 هاربين من "مؤبد" في سوهاج -
شاهد.. لحظة هجوم خلية نحل على ريهام سعيد -

سعد الصغير يتضامن مع تامر حسنى وينشر صورة له فى بداية مشواره الفنى


كتب هيثم سلامة

تضامن الفنان سعد الصغير مع الفنان تامر حسنى، رداً على منتقدى صورته فى فترة المراهقة، بنشر صورة له وهو شاب، مؤكداً أن الفنان يواجه العديد من الصعوبات أثناء مشواره الفنى، حتى يصبح فنانا مشهورا، وأنه تعرض لنفس الموقف بنشر صورة هو ووالدته أثناء تناولهما الطعام.

وكتب سعد الصغير على صفحته الرسمية على فيس بوك قائلا: "بعد إذن حضراتكم ممكن تشوفوا الكلام ده كويس ويا ريت للآخر.. اليومين دول شايف كفنان متابع كل ما هو جديد على ناس بتتريق على صورة الفنان المحترم تامر حسنى.. المشكلة مش هكلم علشان تامر بس المشكلة.. نفسى كل واحد يعرف الفنان أو أى حد تعب فى المجال بتاعه لغاية لما بقى فنان ومشهور عمل إيه فى حياته من وهو صغير".

وأضاف سعد الصغير قائلاً: "يعنى أنا فى الصورة دى من وأنا صغير وكنت شاب لسه ولا قادر اتكسف انزلها ولا أى حاجة وأنت ياللى بتتريق شوف نفسك مش من وأنت صغير شوف من كام سنة شكلك كان عامل إزاى ودلوقتى فى اختلاف كبير إزاى".

وقال سعد الصغير: "نركز شوية بقا فى الكلام اللى جاى أقسم بالله أنا اشتغلت كل شغلانة فى الدنيا حضرتكو تتخيلوها، وكل فنان محترم أكترهم كانوا كدا علشان يوصلوا للى هما فى دلوقتى.. من تحت الصفر.. لغاية ما عملت نفسك بنفسك علشان كان حلم من وأنت صغير بتحبه ونفسك لو توصل بس لو حاجة منه".

وتابع سعد الصغير: "أنا عن نفسى والله تعبت أوى أوى ونفس النظام حصلى فى سنة من السنوات صورة ليه أنا وأمي بناكل زى أى حد وكتبوا سعد الصغير وهو فقير الفقر لا يمكن يكون عيب أو أى حاجة بالعكس بيصنع رجال فيه يقدر يعتمد على نفسه فى حياته الشخصية والمسئولية.. أسال نفسك لاعب كرة القدم من عرق ومن شمس بتتعبوا ومن تمارين، واسأل نفسك من فنان سهران طول الليل وتصوير وتعبان علشان أكل العيش فى الآخر وصنع نفسه ويبقى مشهور.. لو سمحت ياريت قبل ما نتريق شوف ده بقى أى وأنت أى مع احتراملا للجميع شكرا". 


سعد الصغير يتضامن مع تامر حسنى

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى محمد الحلو يكشف حقيقة قراره اعتزال الغناء