أخبار عاجلة
حلمي يفرض السرية على تشكيل الزمالك -
كوبر مطلوب في الصين بـ 4 مليون دولار -
التشكيل المتوقع للزماك في مواجهة الداخلية -
برنامج خاص لتجهيز «غالي» لمواجهة سموحة -
حقن السولية بالبلازما للمرة الثانية -
مدرب الأهلي: مباراة المقاصة بـ 6 نقاط -
تيجانا: شيكابالا لم يتدخل في أزمة «جنش» -
باسم علي يغيب عن مران الأهلي الجماعي -
رمضان صبحي على دكة البدلاء في مواجهة بيرنلي -
بث مباشر.. مباراة الزمالك والداخلية بالدوري -

سماح أنور بعد نشر كوميك ساخر حول تصريحاتها عن الدعم: كتائب إليكترونية تقلب الحقائق


كتب هيثم سلامة

هاجمت الفنانة سماح أنور، كوميك ساخر حول تصريحاتها فى برنامج العاشرة مساءً للإعلامى وائل الابراشى ومطالبتها برفع الدعم، مؤكدة أن هناك لجان إلكترونية تستهدفها وتقوم بالكذب والتدليس وقلب الحقائق.

 

وكتبت سماح أنور عبر صفحتها على فيس بوك قائله: "شغل الكتائب الإلكترونية الله ينور.. ودى بقى لغتهم هم وطريقتهم.. ولا نسيتوا طظ فى مصر؟.. مافيش رقى ولا إبداع ولازم طبعا الكدب والتدليس والنصب وقلب الحقائق.. إلخ وأنا طبعا هدفهم من زمان".

 

وأضافت سماح أنور قائلة: "أنا وهم وانتوا ..عارفين ..لأن الشخص المشهور النجم الناجح، المؤثر وخصوصا لو مثقف أو فاهم التيتة أصلا كمان.. ده بقى لازم يموت حتى لو مامتش.. حاربوه حتى الموت.. فى سمعته.. فى أكل عيشه.. فى ولاده.. المهم.. احرقوه بجاز وسخ واضربوه بالنووى ( علشان ده برضه كلامهم إللى وهموكوا إنى قلته وانتوا صدقتوهم برضه واللى مش مصدق يرجع للفيديوهات )".

 

وأشارت سماح أنور قائلة: "طيب ليه كل ده .. لاحسن حد يتأثر بكلام أى حد مؤثر ومحبوب أو يقتنع لا سمح الله برأيه.. الفنانون من زمان كانوا هم الهدف الأول.. وعلى مدى أكثر من ٣٥ سنة.. من بداية السبعينيات والفنانين بقوا هدف للتشهير والتكسير والحقد والكره وزرع الأسافين والتفرقة بين الفنان والناس اللى " كانت بتحبه " وبقت العلاقة غريبة جدا".

 

وتابعت قائلة: "يبقى عايز يتصور معاك ويضربك فى نفس ذات اللحظة.. شايفك عبقرى بس ماتستاهلش.. الاتنين مع بعض.. اللهم تب علينا من هذا الهم الكبير التقيل.. وشيل عننا جهنم الجهل والسواد اللى مرروا طعم حياتنا كلنا".

واستطردت قائلة : "أنا بجد عايزة أمشى من البلد.. الدماغ ضايعة بجد بقى.. والحقيقة إن الحرب دايرة على أنا بالتحديد من الجميع.. وأنا من الآخر.. زهقت وتعبت ومابقاش عندى أمل فينا خالص.. شكرا.. يا حبيبتى.. يا مصر".


سماح أنور

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى محمد الحلو يكشف حقيقة قراره اعتزال الغناء