أخبار عاجلة
نيس يمدد تعاقده مع الإيطالي بالوتيلي حتى 2019 -
مصرع 6 فى حادثين منفصلين بأسوان -
إصابة 5 أشخاص في مشاجرة بالبحيرة -

«الداخلية» تهدي الأم قصيدتين شعريتين

«الداخلية» تهدي الأم قصيدتين شعريتين
«الداخلية» تهدي الأم قصيدتين شعريتين

أهدى قطاع الإعلام والعلاقات بوزارة الداخلية، الأم قصيدتين شعريتين بمناسبة الاحتفال بعيد الأم الموافق 21 مارس من كل عام.

وفيما يلى نص القصيدة:-

«جاني تاني وجابلي وردة

كان فاكرنى هاخدها وأرضى

قاللى جايلك من هناك

أحكى عن كل اللى فات

قال يا أمي

أوعي يوم تفتكري إني

راح أسيبك

مين حبيبك

لو ماضحى عشان عيونك

لو ما كان بالروح يصونك

لجل ترضي يكون حبيبك

الحكاية ...

الوطن نادى يا أمي

كنت أسيبه؟ ..

لو يضيع الحق منُّه ... مين يجيبه

غير ولاده ....

صدقيني ...

إن حضن الأرض لما

بين إيديه ياخد شهيد

راح يلاقي نفس حضنك

انتي أمي

والبلاد الغالية أمي

أوعي مرّة ف يوم تخافي

حضن أرض بلادي برضه

حضن دافي

حضن دافي«.

كما أهدى قطاع الإعلام والعلاقات بوزارة الداخلية أمهات الشهداء الأبرار قصيدة شعرية، بمناسبة الاحتفال بعيد الأم أيضاً وفيما يلى نصها:-

«يا أمّى ليه يوم تحزنى

والجنة لسه فـ إنتظار متزينة

إللى على إيديه النهار جه أرضنا

ياأم الشهيد

إبنك بطل.. بالتضحية

و لولاه ما كانت أغنية

للإنتصار

الجنة لسة فـ إنتظار

طلع النهار

كان البطل إبنك هناك

سابق بروحه خطوته

أفديك بروحى يا وطن

أفديك ومن دمّى التمن

الجنة لسة فـ إنتظار متزينة

يـ أمى

قولى للى جايلك من صحابى

واللى جايلك من زمايلى

إنى أجمل حاجه أنتى

يامصر

روحى فيكى فين ماكنتى

إنتى جنة أرض ربى

يا أمى أوعى تحزنى

الشهادة هي جنة للشهيد

يوم شهادتى يبقى عيد

إسألينى راح تلاقى قلبى من جوه سعيد

يبقى ليه يـ أمى حزنك

جنة فاتحة حضنها من بعد حضنك

ياأمى أوعى تحزنى

ياأمى أوعى تحزنى«.

اشترك الآن لتصلك أهم الأخبار لحظة بلحظة

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق وزيرة الاستثمار: إطلاق مركز اتصالات للتواصل مع المستثمرين يوميا من خلال «16035»
التالى «يوم حزين على مصر».. شخصيات عامة تنتقد تمرير اتفاقية «تيران وصنافير»