أخبار عاجلة

بالصوت.. "اللى عنده معزة يربطها" تحدث جدلا على السوشيال ميديا

بالصوت.. "اللى عنده معزة يربطها" تحدث جدلا على السوشيال ميديا
بالصوت.. "اللى عنده معزة يربطها" تحدث جدلا على السوشيال ميديا

 

أثارت قصة "إللى عنده معزة يربطها" جدلا واسعا لدى مستخدمى مواقع التواصل الاجتماعي، بعد أن تداولوا مقطعا صوتيا مسجلا فيه حديث بين "ولى أمر" إحدى الطالبات وولى أمر أحد الطلاب، اتهمت الأولى نجل الثانى بالتعدى على ابنتها وتقبيلها وعناقها، فما كان من الأب إلا أن رد عليها بقوله: "أنا أبو عبد الرحمن.. إللى عنده معزة يربطها.. أنا ابنى يبوس إللى هو عاوزه.. لو بنتك محترمة ومؤدبة ما كانتش خلته يبوسها وكانت اشتكته للأبلة".

تعود الحكاية إلى مقطع نشرته سيدة "ولى أمر" طالبة فى إحدى المدارس، حيث تقول الأم فى المقطع: "بنتى ما بتلعبش مع أولاد وأنا منتقبة وزجى ملتحى والنهاردة يا مدام دلال ابن حضرتك عبد الرحمن حضن بنتى وباسها فى الكلاس.. بنتى ما بتلعبش مع بويز وبنتى الكبيرة بالمثل اسألوا عليها.. ابنك يبوس بنتى ويحضنها بتاع إيه.. أخوها الكبير عاوز يروح يضربه بكره.. الولد ضربهالى مرتين مرة تحت عينها ومرة فى راسها وما شوفتش أى أكشن وانا اتكلمت مع حضرتك فى الموضوع ده قبل كده".

وأحدث المقطع جدلا على أوسع نطاق بين مستخدمى مواقع التواصل بين مؤيد لما فعلته الأم ومعارض لتناقضها لأنها صمتت بعد أن أصاب الولد ابنتها مرتين، لكنها تكلمت عندما عانقها وقبلها.

 

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى فتاة عربة البرجر: وزير التنمية المحلية وعدنى بالأكل من عربتى