أخبار عاجلة
انطلاق أول امتحانات دفعة طب حلوان التجريبية -

عمرو أديب بـ"مريالة المطبخ: أنا خبير في الإسكالوب بانيه.. وكله ع الدوّاق

عمرو أديب بـ"مريالة المطبخ: أنا خبير في الإسكالوب بانيه.. وكله ع الدوّاق
عمرو أديب بـ"مريالة المطبخ: أنا خبير في الإسكالوب بانيه.. وكله ع الدوّاق

فاجئ الإعلامي عمرو أديب المشاهدين بالظهور خلال فقرة "كل يوم" مع جيجي زايد حول الطريقة الأفضل لطبخ الإسكالوب بانيه، بالظهور بمريالة المطبخ، ناصحا المشاهدين بالحرص على اختيار نوعية اللحمة الخاصة، قائلا: "ما تعدمش اللحمة ضرب وإنت بتشريها وخلي فيها سماكة.. خلوا فيها نفس".

وعلقت محكم الفقرة رجاء الجداوي: "هي مباراة ولا خناقة.. سبيه لحد ما نشوف هيعمل أيه..

وعن مكونات الوصفة، عدد أديب "4 بيضات مع لبن.. وزيت غزير جدا.. مع إضافة معلقة سمنة وليست زبدة مع الزيت.. وبدون ليه.. مع تسخين الزيت.. وإضافة البقسماط.. وهنا بقى التريكة.. والوهم بقى إن عمر البقسماط ما هيمسك في اللحمة.. وخودوا بالكم نزلة اللحمة في البيضة مش أي نزلة.. ولما تيجي تحطها في الطاسة وطي إيدك وترشرشها بقى.. وتسبيها يثرثر.. وياخود وش حوالي عشر دقايق.. بصوا شوفوا شكله عامل إزاي.. ومن غير حرايق ولا أي حاجة.. والنصيحة بقى أوعوا تطلعوها على أي حاجة من الزيت على بقك.. وانتظروا بقى المفاجأة في الأخر".

وقالت محكم الفقرة رجاء الجداوي: "إسكالوبك شكله حلو.. الله شكله حلو فعلا.. والريحة كمان حلوة"، وقاطعها عمرو ضاحكا: "إلهي اللي ما يقولش الحق يزور وهوا بيتفرج".

وأضاف أديب "إنتوا بتكلموا خبير الإسكالوب بانيه ولو سمحتوا ما حدش يتدخل.. إنتوا مديني بوتجاز مش شغال.. إنتوا في موقف صعب.. والعلم في الراس مش في الكراس واللي ذاكر ذاكر.. أنا ملاحظ إن فيه تراجع.. إنتي بتبصي في الورقة بتاعتي ليه.. اعملي اللي إنت عايزاه.. مديني فلوس عشان أكول.. ، موجها حديثه للمخرجة "إنت متواطئ معاهم.. وكله ع الدواق.. ولا جونتي ولا بتاع.. فيه موالسة على فكرة من الحكم".

وتقمص عمرو أديب شخصية ست البيت قائلا"البوتجازات الكهربا دي مش عارف يا أختي شغالة إزاي.. اقعدوا اتوشوشوا بقى.. وربنا يجعل جيرانا من غير عنيين".

وقالت جيجي زايد: "مدام رجاء إنتي بتغشيشي عمرو.. الفكرة إنك تضغطي على اللحمة كويس.. استنوا أخود دوري.. تعرفوا إن الصح انننا نسيبها نص ساعة.. ومش صح الزيت يبقى فيه فتافيت فلازم ننضف الزيت.. ما تتكلمش على زمايلك وحش يا عمرو.. بص حلوة إزاي".

وجاءت اللحظة الحاسمة، لحظة التذوق، ليبدي عمرو إعجابه الشديد بطعم الإسكالوب بانيه الخاص به، إلا أن الجداوي وجيجي أبديا إعجابها بطعمه إلا أنهما وصفتاه بـ"شديد الدسامة"،

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى 7 ابتكارات تفوق الخيال