المخرجة كاملة ابو ذكرى:."2 مليون شخص عيشهم اتقطع بسبب توقف المسلسلات"

المخرجة كاملة ابو ذكرى:."2 مليون شخص عيشهم اتقطع بسبب توقف المسلسلات"
المخرجة كاملة ابو ذكرى:."2 مليون شخص عيشهم اتقطع بسبب توقف المسلسلات"
كتبت المخرجة "كاملة أبو ذكرى" منشورا عبرت فيه عن مشكلة توقف معظم الإنتاج الدرامي والسينمائى لأسباب غير معلومة، كما أشارت إلى أن ذلك سوف يؤثر على مصدر رزق جميع العاملين والذين يصل عددهم إلى 2 مليون شخص.
 
** حيث كتبت " ابو ذكرى "، قائلة :
إللى فاكر إن المسلسل هو نجوم ومخرج ومؤلف 
المسلسل الواحد بيشغل ٣٠٠ بني أدم 
نجارين
سواقين 
نقاشيين
عمال نضافه
رجال إكسسوار 
رجال الإضاءه
فنيين كاميرا 
ماكيرات
كوافيرات
ترزيه
شباب من مساعدين التصوير والإخراج والديكور والمونتاج والإنتاج والصوت 
ستات ورجالة غلابه 
 
وتابعت: "إللى بنسميهم الكومبارس دول موسم رمضان بالنسبه ليهم رزقهم السنوي لإن إنتاجنا كان فوق الخمسين مسلسل في السنة، يتنقلوا من مسلسل لمسلسل وربنا يرزقهم بأكل عيالهم ومصاريف الحياة الصعبة" 
 
وأضافت "كاملة"، قائلة: "المسلسلات المصرية صناعة كبيرة أكتر من ٢ مليون بني أدم بيأكلوا عيش منها، السنة دي الناس دي كلها حتقعد في البيت، تم إيقاف أغلب المسلسلات والحقيقة ماعنديش معلومة أكيده إيه السبب"
 
واستطردت: "إللي عارفاه إن الناس دي كلها مش حتلاقي تاكل والأسعار زادت ودخلهم توقف، لو حد فاهم ليه بيحصل كده يا ريت يفهمونا ويقولولنا إيه البديل علشان نعيش بعد ما السينما كمان قفلت أبوابها والأسعار زادت بجنون".
 
وختمت المخرجة " كاملة ابو ذكرى ": "حد يفهمنا ليه حتقطعوا رزق ٢ مليون مواطن بيشتغلوا ويدفعوا ضرائب وعايشين من المهنه دي".

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب

رئيس تحرير صحيفة لحظة بلحظة