من هى " ام ترتر "؟!

من هى " ام ترتر "؟!
من هى " ام ترتر "؟!

كتبت إحدى مستخدمات موقع التواصل الإجتماعى "فيس بوك"، ( ماجى موسى ) قصة العبارة الشهيرة .. "عند أم ترتر "

نفوسه الشهيرة بـ "أم ترتر" كانت ساكنه فى حوارى كرموز ومعروف عنها أنها لامؤاخذه ست لسانها طويل ومفتريه وفى فرش الملاية مالهاش مثيل وماشيه على مبدأ فى الحارة: "الشرشوحه ست جيرانها" .. 

وتابعت: " أم ترتر مخلفتش ترتر عندها إسماعيل و إبراهيم ونبويه ترتر اسم شهره لأنها كانت عايقه بتلبس جلاليب ومنديل بترتر عشان كدا سموها " أم ترتر " وجوزها المعلم علوان أبو إسماعيل "عربجى حنطور "..

و أضافت: " أم ترتر كانت ست بيت شاطرة ساكنه فى بيت دور واحد منه بيت وعربخانه لحصان وعربيه المعلم علوان والبيوت اللى حواليها دورين وثلاته وعامله فوق السطح مزرعة فراخ و بط وكلهم " برابر " مافيش ولا ديك ولا دكر بط .. 

و استكملت: " ديوك الجيران كانت تنط على سطح أم ترتر عشان تكسر الفراخ الديك اللى ينط أو دكر البط على سطح أم ترتر مفقود ياولدى وعلى طول يبقى أجدع عشوة للمعلم علوان!! وكانت خبرة فى إخفاء اثر الديك من ريش وخلافه واللى كان يضيع لها ديك وتسأل الجيران يردوا عليها بصوت واطى "عند أم ترتر ربنا يعوض عليكى"  

و ختمت هذه القصة، قائلة: " وطلع المثل الشعبى "عند أم ترتر" يدل على إستحاله انك تلاقى اللى بتدور عليه رغم انك عارف ومتأكد مين اللى خده ...!!!!

و يمكنكم الإستماع إلى الرواية عن طريق الرابط ـــــــــــــ>>

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

معلومات الكاتب

رئيس تحرير صحيفة لحظة بلحظة